டாடா ஸ்டீல் (NSE -2.67 %) நிறுவனம், நடப்பு நிதியாண்டில் தனது இந்தியா மற்றும் ஐரோப்பிய செயல்பாடுகளுக்காக ரூ. 12,000 கோடி மூலதனச் செலவினம் (கேபெக்ஸ்) செய்யத் திட்டமிட்டுள்ளதாக அந்நிறுவனத்தின் தலைமைச் செயல் அதிகாரி டி.வி. நரேந்திரன் தெரிவித்தார்.

உள்நாட்டு எஃகு நிறுவனமான டாடா ஸ்டீல், இந்தியாவில் ரூ.8,500 கோடியும், ஐரோப்பாவில் உள்ள தனது செயல்பாடுகளுக்காக ரூ.3,500 கோடியும் முதலீடு செய்யத் திட்டமிட்டுள்ளதாக, அந்நிறுவனத்தின் நிர்வாக இயக்குநராகவும் (MD) உள்ள நரேந்திரன், பிடிஐ-க்கு அளித்த பேட்டியில் தெரிவித்தார்.

இந்தியாவில் கலிங்கநகர் திட்ட விரிவாக்கம் மற்றும் சுரங்க நடவடிக்கைகளிலும், ஐரோப்பாவில் நிலைத்தன்மை, உற்பத்திப் பொருள் கலவையைச் செறிவூட்டுதல் மற்றும் சுற்றுச்சூழல் தொடர்பான மூலதனச் செலவினங்களிலும் கவனம் செலுத்தப்படும் என்று நரேந்திரன் கூறினார்.